Xhenc Bezhi: Nandori i tretë

Mos të mbetet hatri,

Ismail Bej Vlora,

po e festuam pa ju

këtë qindvjetor.

Pa Gurakuqin,

edhe pa Kaçorrin;

njeni vra tradhëtisht,

e tjetri harrue.

Isen e Boletinit

ura e ka nda

Ibri rrjedh urrejtje,

lumë i pava.

Nuk kem ç’e duem

As Deden pa vorr

As Deçiqin pa flamur.

Në festë nuk do t’jenë

Hasani me Currin,

të tjerë kemi ftue

edhe pse ata s’ishin

kur ngritet flamurin.

Të ftuemit tanë,

me Esata ne ballë,

kalorësit e territ:

bashkë do të festojmë,

nuk i trembemi baltës,

nuk i trembemi ferrit.

Shortlink:

Posted by Redaksia on 03/06/2012. Filed under Kulturë. You can follow any responses to this entry through the RSS 2.0. You can leave a response or trackback to this entry